प्रज्ञाचक्षु श्री संत गुलाबराव महाराज शासनाच्या जयंती कार्यक्रमांमध्ये समाविष्ट करा

* मुख्यमंत्र्यांच्या निर्णयाकडे भाविकांकडे लक्ष

अमरावती/10 डिसेंबर : प्रज्ञाचक्षु श्री संत गुलाबराव महाराज यांची जयंती (6 जुलै) महाराष्ट्र शासनाच्या अधिकृत जयंती कार्यक्रमांमध्ये समाविष्ट करण्याचा प्रस्ताव या आठवड्यात माननीय मुख्यमंत्री श्री देवेंद्र फडणवीस यांच्याकडे सादर होणार आहे. या प्रस्तावाद्वारे महाराजांच्या जीवनकार्याची, भक्तपरिवाराच्या सामाजिक व सांस्कृतिक योगदानाची आणि महाराष्ट्रातील धार्मिक व सांस्कृतिक परंपरेतील त्यांची भूमिका राज्यस्तरीय पातळीवर मान्यता मिळेल. या निर्णयामुळे केवळ त्यांच्या कार्याचा सन्मान होणार नाही, तर त्यांच्या विचारधारेच्या आदर्शांनी समाजातील विविध स्तरांवर सकारात्मक प्रभाव पडेल, असा विश्वास देखील व्यक्त केला जात आहे. या प्रस्तावाबाबत राज्यभरात उत्सुकता आणि अपेक्षाही मोठ्या प्रमाणावर आहे, कारण त्यांचे उपदेशांमुळे प्रेरणा घेणार्‍या अभ्यासक, वाचकांसाठी हा निर्णय अत्यंत महत्त्वाचा ठरणार आहे.
प्रज्ञाचक्षु, ज्ञानेशकन्या श्री संत गुलाबराव महाराज साहित्य प्रचार मोहीमेचे प्रमुख माधुर्य ठाकरे यांनी मागील चार वर्षांपासून सातत्याने या मागणीसाठी अथक प्रयत्न केले आहेत. त्यांनी विविध सरकारी विभागांशी सतत संपर्क साधून, श्री महाराजांच्या योगदानाची माहिती आणि त्यांच्या सामाजिक- सांस्कृतिक परिणामांची सविस्तर मांडणी केली आहे. महाराष्ट्र शासनाच्या सामान्य प्रशासन विभागा तर्फे त्यांना लेखी आश्वासन दिले असून, पालकमंत्री चंद्रशेखर बावनकुळे, आमदार प्रविण पोटे पाटील आणि आमदार श्रीकांत भाऊ भारतीय यांनी या प्रस्तावाच्या पाठपुराव्यास विशेष प्रयत्न केले आहेत. त्यांच्या सातत्यपूर्ण प्रयत्नांमुळे हा प्रस्ताव अधिक बळकट झाला असून, राज्यस्तरीय निर्णयासाठी मार्ग सुसज्ज झाला आहे. तसेच, या प्रयत्नांमुळे स्थानिक तसेच राज्यस्तरीय पातळीवर श्री महाराजांच्या योगदानाबाबत जनजागृती निर्माण झाली आहे, जी भविष्यातील सामाजिक-सांस्कृतिक कार्यक्रमांसाठी मार्गदर्शक ठरणार आहे.
संपूर्ण जगभर पसरलेला श्री महाराजांचा भक्तपरिवार, वारकरी शिक्षण संस्था तिर्थक्षेत्र बेलोरा (ता. चांदूरबाजार, जि. अमरावती) आणि माधुर्य ठाकरे यांनी मुख्यमंत्री महोदयाकडून सकारात्मक निर्णयाची अपेक्षा व्यक्त केली आहे. प्रज्ञाचक्षु श्री संत गुलाबराव महाराजांच्या जीवनकार्याचा योग्य सन्मान होईल आणि त्यांच्या भक्तपरिवाराच्या सामाजिक-सांस्कृतिक योगदानाला राज्यस्तरीय मान्यता मिळेल अशी सर्वत्र आशा आहे. या निर्णयामुळे महाराष्ट्रातील धार्मिक, सांस्कृतिक आणि सामाजिक परंपरेला नव्याने उंची मिळेल, तसेच भाविक आणि नागरिकांच्या मनात संतांच्या विचारधारेबद्दल आदर व कृतज्ञता वाढेल. भक्तपरिवाराला खात्री वाटते की हा निर्णय संतांच्या स्मृतीला सन्मान देण्याबरोबरच भाविक समाजाला प्रेरणा देणारा ठरेल आणि राज्यातील संत परंपरेचा सांस्कृतिक वारसा अधिक प्रभावी रीतीने पुढे नेण्यास मदत करेल.

जर प्रज्ञाचक्षु श्री संत गुलाबराव महाराज यांची जयंती जर महाराष्ट्र शासनाच्या जयंती कार्यक्रमांमध्ये समाविष्ट आली तर श्री महाराजांचे अलौकिक विचार जसे की धर्मसमन्वय विचार, अध्यात्म व विज्ञान दोन्हींकडे बघण्याची दृष्टी, त्यांनी लिहिलेली बाराखडी असे अनेक गोष्टी ज्यावर आज पर्यंत पडदा होता त्या लोकांसमोर येतील. त्यामुळे महाराष्ट्रातल्या हा अलौकिक संत लवकरच नव नवीन वाचकांच्या, अभ्यासकांच्या व लहान मुलांच्या नजरेस येईल. ह्या प्रस्तावास मुख्यमंत्री महोदय नक्कीच शासकीय मान्यता देतील असा विश्वास व्यक्त करतो. – माधुर्य ठाकरे,
प्रमुख, प्रज्ञाचक्षु श्री संत गुलाबराव महाराज साहित्य प्रचार मोहीम