अमरावती मॉडेल रेल्वे स्टेशन हलविणार नाही

राजकमल रेल्वे पूल बंद करण्याबाबतही वेधले लक्ष

उड्डाणपुलाच्या दुरुस्तीचा प्रस्ताव अद्याप प्राप्त नाही

अमरावती /3 डिसेंबर – शहर आणि जिल्ह्याचा सर्वात महत्त्वाचा मुद्दा असलेल्या अमरावती मॉडेल रेल्वे स्टेशनच्या स्थलांतराच्या प्रस्तावाला तीव्र विरोध करत खा.बळवंत वानखडे यांनी बुधवारी दिल्लीत रेल्वे मंत्री अश्विनी वैष्णव यांची भेट घेतली. त्यांनी अमरावती मॉडेल रेल्वे स्थानक हलविण्याला विरोध केला. तसेच तीव्र जनभावनेची जाणीव करून दिली आणि हा प्रस्ताव रद्द करण्याची मागणी केली.
रेल्वेमंत्र्यांनी ताबडतोब खासदार वानखडे यांना अमरावती मॉडेल रेल्वे स्टेशन स्थलांतरित केले जाणार नाही असे आश्वासन दिले. त्यांनी राजकमल रेल्वे पुलाच्या दुरुस्तीसाठी प्रस्ताव सादर करण्यास सांगितले. यावरून रेल्वे मंत्रालयाला पूल दुरुस्तीचा प्रस्ताव अद्याप प्राप्त झाला नसल्याचे उघडकीस आले आहे. भाजप खासदार डॉ. अनिल बोंडे यांनी पत्रकार परिषद घेऊन राजापेठपासून सुमारे अर्धा किलोमीटर अंतरावर अमरावती मॉडेल रेल्वे स्टेशन स्थलांतरित करण्याचा प्रस्ताव जाहीर केला हे उल्लेखनीय आहे. मॉडेल स्टेशन बंद केले जाणार नाही असे त्यांनी सांगितले असले तरी, या प्रस्तावाला शहर आणि जिल्ह्यात मोठ्या प्रमाणात विरोध झाला. बुधवारी खा. बळवंत वानखडे यांनी सदर माहिती आमच्या प्रतिनिधीस दिली. राजकमल रेल्वे पुलाचा प्रश्न – खा. बळवंत वानखडे यांनी राजकमल रेल्वे पूल जीर्ण अवस्थेत असल्याने प्रशासनाने बंद केल्याचा मुद्दाही उपस्थित केला. रेल्वेमंत्र्यांनी उत्तर देताना सांगितले की पुलाच्या दुरुस्तीचा प्रस्ताव अद्याप प्राप्त झालेला नाही. त्यांनी रेल्वेमंत्र्यांना हा प्रस्ताव त्वरित सादर करण्याचे आवाहन केले. गेल्या तीन महिन्यांपासून पूल बंद असल्याने अमरावतीच्या नागरिकांना मोठ्या समस्येचा सामना करावा लागतो याबाबत रेल्वेमंंंत्र्यांना माहिती दिली. खा. बळवंत वानखडे यांनी रेल्वेमंत्र्यांचे लक्ष वेधून या समस्येच्या मूळ कारणाकडे वेधले. त्यांनी स्पष्ट केले की, रेल्वे पूल दुरुस्त करण्याऐवजी तो पूर्णपणे पाडण्याचे प्रयत्न सुरू आहेत. वाहतुकीच्या समस्येचे निराकरण करण्यासाठी कोणत्याही भारतीय शहरात कोणतेही मोठे रेल्वे स्टेशन बंद केलेले नाही. शिवाय, जेव्हा नगररचना विभागाकडे शहर नियोजनाची सत्ता असते, तेव्हा खाजगी अभियंत्याच्या सल्ल्यानुसार प्रस्ताव मंजूर करणे गंभीर आणि अनाकलनीय आहे. खासदार वानखडे यांनी रेल्वेमंत्र्यांसमोर पाच प्रमुख प्रस्ताव सादर केले, ज्यात अमरावती रेल्वे स्थानकाच्या शाश्वत विकासासाठी विशिष्ट आराखडा, नवीन गाड्यांचा प्रस्ताव, यार्ड विस्तार आणि प्रवासी सुविधांचा समावेश आहे. त्यांनी स्टेशन हटवण्याच्या प्रस्तावात सहभागी अधिकारी, सल्लागार आणि कंत्राटदारांची विशेष आणि उच्चस्तरीय चौकशी करण्याची मागणी केली. रेल्वे उड्डाणपुलावरील दुरुस्तीचे काम त्वरित सुरू करण्याचे आदेश देण्याची मागणीही त्यांनी केली.