आरबीआयकडून व्याजदरात कोणताही बदल नाही, रेपो दर कायम

नवी दिल्ली/8 एप्रिल-भारतीय रिझर्व्ह बँकेने पुन्हा एकदा सावध भूमिका घेतली असून व्याजदर अपरिवर्तित ठेवले आहेत. आरबीआयचे गव्हर्नर संजय मल्होत्रा यांनी जाहीर केले की, मौद्रिक धोरण समितीने (एमपीसी) रेपो दर 5.25% वर अपरिवर्तित ठेवण्याचा निर्णय घेतला आहे. भारतीय रिझर्व्ह बँकेच्या (आरबीआय) मौद्रिक धोरण समितीने (एमपीसी) पुन्हा एकदा व्याजदरांबाबत एक मोठा निर्णय घेतला आहे. गव्हर्नर संजय मल्होत्रा यांनी जाहीर केले की, धोरणात्मक रेपो दर 5.25% वर अपरिवर्तित ठेवला जाईल. वाढती महागाई, कच्च्या तेलाच्या किमती आणि जागतिक अनिश्चिततेच्या काळात, आरबीआयचा हा निर्णय संतुलन राखण्याचा प्रयत्न म्हणून पाहिला जात आहे. गव्हर्नर संजय मल्होत्रा यांच्या अध्यक्षतेखाली 6 एप्रिल रोजी सुरू झालेल्या तीन दिवसीय बैठकीनंतर, समितीने रेपो दर 5.25% वर अपरिवर्तित ठेवण्याचा एकमताने निर्णय घेतला. याव्यतिरिक्त, स्टँडिंग डिपॉझिट फॅसिलिटी (डऊऋ) दर 5% वर कायम राहील आणि मार्जिनल स्टँडिंग फॅसिलिटी (चडऋ) व बँक दर 5.5% वर कायम राहतील. गव्हर्नर यांनी स्पष्ट केले की, भविष्यात गरज भासल्यास लवचिकता सुनिश्चित करण्यासाठी आरबीआयने तटस्थ भूमिका कायम ठेवली आहे. देशाच्या अर्थव्यवस्थेबद्दल समाधान व्यक्त करताना गव्हर्नर म्हणाले की, गेल्या वर्षी भारताची वास्तविक जीडीपी वाढ 7.6% असण्याचा अंदाज आहे. हा आकडा दर्शवितो की, मजबूत उपभोग आणि गुंतवणुकीमुळे भारतीय अर्थव्यवस्था वेगाने वाढत आहे. संरचनात्मक सुधारणा आणि अनुकूल आर्थिक परिस्थितीने या वाढीच्या दराला महत्त्वपूर्ण पाठिंबा दिला आहे.