ओबीसी जनमोर्च्याच्या आमरण उपोषणाला यश

अमरावती /12 ओक्टोबर : ओबीसी जनमोर्चाच्या आश्रयण उपोषणाला मोठा प्रतिसाद मिळाल्याने अखेर प्रशासनाला निर्णय घ्यावा लागला आहे. ओबीसी समाजाच्या पाच मागण्यांपैकी दोन महत्त्वाच्या मागण्यांवर निर्णय घेण्यात आला. महसूल मंत्री तथा ओबीसी उपसंचालक चंद्रशेखर बावनकुळे यांच्या अध्यक्षतेखाली झालेल्या बैठकीत ओबीसी समाजातील विनाअनुदानित वर्गासाठी प्रत्येक जिल्ह्यात वसतिगृह आणि अभ्यासिका उभारण्याच्या मागण्या मंजूर करण्यात आल्या.सविस्तर माहिती अशी की, ओबीसी जनमोर्चा अमरावती जिल्हा शाखेच्या वतीने 24 सप्टेंबरपासून जिल्हाधिकारी कार्यालयासमोर आश्रयण उपोषण सुरू करण्यात आले होते. या उपोषणात शेखर देशमुख आणि तुषार वाढणकर हे दोन उपोषणकर्ते सहभागी होते. या आंदोलनाचे नेतृत्व ओबीसी जनमोर्चाचे राज्य सरचिटणीस रवींद्र द. पेटकर यांनी केले. उपोषणादरम्यान जिल्ह्याचे पालकमंत्री तथा ओबीसी उपसंचालक चंद्रशेखर बावनकुळे यांनी उपोषणस्थळी भेट देऊन मागण्यांबाबत चर्चा केली आणि सकारात्मक आश्वासन दिले. त्यानुसार लवकरच बैठक घेण्याचे आदेश दिले गेले.अलीकडेच झालेल्या या बैठकीत ओबीसी जनमोर्चाचे प्रदेशाध्यक्ष आमदार प्रकाश शेंडगे आणि राज्य सरचिटणीस उपस्थित होते. बैठकीत ओबीसी जनमोर्चाच्या अमरावतीत झालेल्या उपोषणाच्या पार्श्वभूमीवर पाच मागण्यांवर चर्चा करण्यात आली. त्यापैकी दोन प्रमुख मागण्या 1) प्रत्येक जिल्ह्यात ओबीसी समाजातील विनाअनुदानित वर्गासाठी स्वतंत्र वसतिगृह उभारणे, आणि 2) प्रत्येक जिल्ह्यात ओबीसी समाजातील विनाअनुदानित वर्गासाठी अभ्यासिका उभारणे या दोन्ही मागण्या मंजूर करण्यात आल्या. या निर्णयांच्या अंमलबजावणीसाठी जिल्हाधिकारींना तात्काळ कार्यवाहीचे निर्देश देण्यात आले.या आश्रयण उपोषणाला अमरावतीसह राज्यभरातील विविध समाजसंघटनांचा उत्स्फूर्त पाठिंबा लाभला. त्यामध्ये अलुतेदार, बलुतेदार, भट, विविध जनजाती व मागासवर्गीय संस्था, अमरावती जिल्हा ग्राहक संरक्षण समिती, बेलदार सेवा संघ, महाराष्ट्र राज्य विकास मिशन, भोई समाज एकता परिषद, विदर्भ कुंभार सुधार समिती, माळी समाज कल्याण महासंघ, भारतीय बारी समाज, लोकसंवाद सामाजिक परिषद, ना. प्रा. राम शिंदे विचार मंच आदी संस्थांचा समावेश होता.तसेच ओबीसी जनमोर्चा राज्य उपाध्यक्ष डॉ. ज्ञानेश्वर गोरे, आमदार चंदूभाऊ यावलकर, इंजि. वासुदेव चौधरी, डॉ. श्रीराम कोल्हे, गणेश खारकर, डॉ. विलास कविटकर, अजय खासबागे, प्रभाकर घाटोळ, डॉ. नीलिमा मुळे, डॉ. राजेंद्र ढोरे, नाना मालधुरे, वर्षा भुसारी, मीनल हरणे, एड. छाया मिश्रा (घाटोळ), संजय वाघुळे, सुरज पवार, ललित ढेपे, आणि अनेक सामाजिक कार्यकर्त्यांचे मोलाचे सहकार्य लाभले. या सर्वांच्या एकत्रित प्रयत्नांमुळेच ओबीसी जनमोर्चाच्या मागण्यांना शासनाने मान्यता दिली आणि आंदोलन यशस्वी ठरले.