अमरावतीत धावपटूंच्या उत्साहाने रंगणार मॅरेथॉन स्पर्धा

अमरावती/26 एप्रिल: अमरावती शहरात आगामी अहिल्यानगर मॅरेथॉनच्या प्रचारासाठी आयोजित धाव उपक्रमाला नागरिकांनी उदंड प्रतिसाद दिला. पहाटेच्या वेळी सांस्कृतिक भवनापासून सुरू झालेल्या या धावेमध्ये सहाशेहून अधिक धावपटूंनी सहभाग नोंदवून फिटनेसची नवी लाट निर्माण केली.
शहरातील क्रीडाप्रेमींसाठी हे एक पर्वणीच ठरले. अमरावती रोड रनर्स समूह आणि अहिल्यानगर सायकलिंग मंडळ यांनी संयुक्तरीत्या या उपक्रमाचे आयोजन केले होते. येत्या 31 मे रोजी होणार्‍या ऐतिहासिक मॅरेथॉनसाठी हा एक पूर्वसंकेत होता. या धावेचे नियोजन अतिशय शिस्तबद्ध होते. सहभागींना वेळ मोजण्याचे साधन आणि पौष्टिक नाश्त्याची सोय करून देण्यात आली होती. या यशस्वी आयोजनामागे दिलीप पाटील व त्यांच्या सहकार्‍यांचे मोलाचे कष्ट होते. मार्ग नियंत्रण, वाहतूक व्यवस्था व साहित्य वितरणाचे काम अनेक स्वयंसेवकांनी लिलया पेलले. यावेळी रोशन मेघानी, रितू तलवे, अतुल कडू, जगवदर, अमू सलूजा, राजेश कोचे, रवी बजाज, मनोज नवानी, सचिन जयस्वाल, मंगेश पाटील, सूरज मडावी, प्रशांत सातव, डॉ. गीतांजली कडाणे, मैथिली जयस्वाल, सोनी मोटवानी, राधिका दम्माणी, सुरेंद्र गावंडे, शीतल अग्रवाल, भारती, प्रविण आगळे, गौरव मडके, मयूर पाबळे, विनय काळे, आनंद देशमुख, मिलिंद बेलसरे, चेतन कडू, राजेंद्र इंगोले, संजय अंबाडकर, निखिल सोनी, ऋतुजा फुके, प्रणिता निस्ताने, अस्मिता सोनी, केदार पावरी आणि प्रज्वल पाथरे या सर्वांनी सक्रिय सहभाग नोंदवला. शहराच्या क्रीडा संस्कृतीला या धावेमुळे नवी ओळख मिळाली आहे. या उत्स्फूर्त सहभागामुळे आगामी मॅरेथॉनलाही मोठा प्रतिसाद मिळेल, असा विश्वास आयोजकांनी व्यक्त केला आहे. अमरावतीकरांनी मोठ्या संख्येने सहभागी होऊन आपल्या शहराचा मान उंचावावा, असे आवाहनही यावेळी करण्यात आले आहे.