जैन स्टीलमध्ये खरेदीसाठी ग्राहकांची गर्दी

अमरावती/4 नोव्हेंबर – धनत्रयोदशीच्या मुहूर्तावर पितळेची भांडी आणि विविध मूर्ती खरेदी करण्यासाठी ग्राहकांची लगबग वाढली असून, जवाहर गेट परिसरातील जैन स्टीलमध्ये खरेदीसाठी मोठी गर्दी होत आहे. धनत्रयोदशीच्या दिवशी बाजारात होणारी गर्दी टाळण्यासाठी अनेकांनी आतापासूनच खरेदीला सुरुवात केली आहे. पितळेच्या वस्तूंची खरेदी शुभ मानली जात असल्याने भांडी, देवदेवतांच्या मूर्ती, भेटवस्तू आणि घरगुती वापराच्या वस्तूंना चांगली मागणी आहे. संचालक महेंद्र चोपडा आणि राजेंद्र चोपडा (जैन) यांनी ग्राहकांसाठी विविध प्रकारच्या वस्तूंची मोठी रेंज उपलब्ध करून दिली आहे.जैन स्टीलमध्ये अनेक दशकांपासून भांड्यांचा व्यवसाय सुरू आहे. घाऊक विक्री होत असल्याने बाजारातील इतर दुकानांच्या तुलनेत येथे वस्तू कमी दरात मिळतात. त्यामुळे शहरासह ग्रामीण भागातील ग्राहकांचाही या दुकानाकडे ओढा असतो. पिढ्यान्पिढ्या सुरू असलेल्या या व्यवसायावर अमरावतीकरांचा विश्वास कायम आहे. पितळेच्या भांड्यांसोबतच नव्या रचनेतील भांडी, आकर्षक मूर्ती, भेटवस्तू आणि घरगुती वापराच्या अनेक वस्तू येथे उपलब्ध आहेत. महेंद्र चोपडा (जैन) यांनी सांगितले की, पितळ आणि स्टीलमधील नव्या रचनेची भांडी सर्वप्रथम अमरावतीत जैन स्टीलमध्ये उपलब्ध करून दिली जातात. ग्राहकांचा हा विश्वास अनेक वर्षांपासून टिकून आहे. दिवाळी आणि धनत्रयोदशीच्या पार्श्वभूमीवर भेटवस्तूंचीही मोठी खरेदी होत असून, ग्राहकांकडून चांगला प्रतिसाद मिळत आहे. पितळेची भांडी आणि मूर्ती खरेदी करणे शुभ मानले जात असल्याने यंदाही ग्राहकांमध्ये उत्साहाचे वातावरण आहे.