दिवाळी व लग्नसराईसाठी ग्राहकांना खरेदीची सुवर्णसंधी उपलब्ध

घसरत्या किमतींमुळे सराफा बाजारात उलाढाल वाढण्याची शक्यता

अमरावती/1 नोव्हेंबर  : दिवाळी आणि आगामी लग्नसराईच्या काळात सोने-चांदीच्या दागिन्यांची खरेदी करू इच्छिणार्‍या ग्राहकांसाठी मौल्यवान धातूंच्या किमतींमधील घसरण मोठा दिलासा घेऊन आली आहे. चालू महिन्यात दोन्ही धातूंचे भाव लक्षणीयरीत्या मवाळ झाल्याने दागिन्यांसोबतच नाणी, पूजेची भांडी आणि चांदीमध्ये गुंतवणूक करणार्‍या ग्राहकांचा उत्साह द्विगुणित झाला आहे.
30 ऑक्टोबर रोजी उपलब्ध बाजार संदर्भ दरानुसार, 24 कॅरेट सोन्याचा भाव सुमारे 1,42,144 रुपये प्रति 10 ग्रॅम, तर 999 शुद्धतेच्या चांदीचा भारतीय बुलियन बाजार संघाचा सकाळचा बेंचमार्क दर 1,90,497 रुपये प्रति किलोग्रॅम नोंदवला गेला. हे सर्व दर जीएसटी आणि घडणावळ (मेकिंग चार्जेस) वगळून आहेत. या पार्श्वभूमीवर, आगामी मुहूर्ताच्या खरेदीत उत्तम व्यवसाय होईल, असा ठाम विश्वास अमरावतीच्या प्रमुख सराफा व्यावसायिकांनी व्यक्त केला आहे.
सध्याच्या दरांमुळे खरेदीदारांना मोठा दिलासा मिळाला असला, तरी ग्राहकांनी स्वतःचे बजेट आणि गरज ओळखूनच व्यवहार करावा, असा सल्ला तज्ज्ञांनी दिला आहे. दागिने खरेदी करताना सोन्याची शुद्धता, हॉलमार्क आणि मेकिंग चार्जेसची तुलना करणे अत्यावश्यक ठरते. तसेच, गुंतवणुकीसाठी एकाच वेळी मोठी रक्कम अडकवण्याऐवजी टप्प्याटप्प्याने खरेदी करणे अधिक फायदेशीर ठरू शकते; कारण भविष्यातील किमतींची दिशा आंतरराष्ट्रीय घडामोडींवर अवलंबून राहणार आहे.

सध्या हलक्या वजनाच्या फॅशन ज्वेलरीला ग्राहकांकडून मोठी मागणी

वर्ष 2026 च्या सुरुवातीला सोने आणि चांदीच्या किमती ज्या विक्रमी पातळीवर पोहोचल्या होत्या, त्या तुलनेत आता बाजारात लक्षणीय घसरण नोंदवली गेली आहे. उपलब्ध आकडेवारीनुसार, जानेवारी महिन्यात सोन्याने प्रति 10 ग्रॅम 1,80,799 रुपयांचा उच्चांक गाठला होता. 29 ऑक्टोबरच्या 1,42,144 रुपयांच्या पातळीशी तुलना केल्यास, सोन्यामध्ये तब्बल 38,655 रुपयांची घसरण झाली आहे. चांदीच्या बाबतीत ही तफावत आणखी मोठी आहे. जानेवारीमध्ये चांदीचे दर प्रति किलोग्रॅम 4,20,048 रुपयांवर पोहोचले होते; ते आता 29 ऑक्टोबर रोजी 1,90,497 रुपयांच्या पातळीवर आले आहेत. म्हणजेच चांदी प्रति किलोग्रॅम सुमारे 2 लाख 30 हजार रुपयांनी स्वस्त झाली आहे.

धनत्रयोदशी-दिवाळीत होणार भरघोस सुवर्ण विक्री

किमतींमधील घसरणीमुळे सण व लग्नसराईच्या खरेदीला नवा वेग रायली प्लॉट शोरूममध्ये उपलब्ध आहेत सर्वोत्कृष्ट आकर्षक ऑफर्स सोन्याच्या दरात झालेल्या घसरणीचा सर्वाधिक फायदा धनत्रयोदशी, दिवाळीच्या शुभ मुहूर्तावर तसेच लग्नसराईसाठी खरेदीचे नियोजन करणार्‍या ग्राहकांना होत आहे, असे प्रतिपादन बजरंगलाल छोटेलाल वर्मा ज्वेलर्सचे संचालक चंद्रशेखर वर्मा यांनी केले. सोन्याकडे केवळ नफा कमावण्याचे साधन म्हणून न पाहता, कौटुंबिक परंपरा आणि वैवाहिक संस्कृतीचा अविभाज्य भाग मानणार्‍या ग्राहकांसाठी सध्याचे दर म्हणजे एक सुवर्णसंधीच ठरत आहेत. संचालक चंद्रशेखर वर्मा यांनी यंदा धनत्रयोदशी आणि दिवाळीनिमित्त सराफा बाजारात विक्रमी उलाढाल होण्याची आशा व्यक्त केली आहे. त्यांनी नमूद केले की, त्यांच्या दालनात सर्व प्रकारच्या रेंजमधील पारंपरिक व आधुनिक दागिन्यांसह शुद्ध चांदीची नाणी आणि पूजेची आकर्षक भांडी (युटेन्सिल्स) उपलब्ध आहेत.

मेकिंग चार्ज केवळ 7 टक्के असणार

कमी घडणावळीमुळे शहरासह लगतच्या परिसरातील ग्राहकांना मोठा फायदा शुद्ध नाणी आणि मूर्तींसाठी त्रिमूर्ती ज्वेलर्सची संपूर्ण विदर्भात ख्यातीसध्या ब्रँडेड ज्वेलरी दालनांमध्ये दागिन्यांवर 15 ते 25 टक्क्यांपर्यंत मेकिंग चार्जेस आकारले जात असताना, आमच्याकडे सोने-चांदीच्या आभूषणांवर केवळ 7 टक्के मेकिंग चार्ज घेतला जात आहे, अशी माहिती शहरातील प्रसिद्ध त्रिमूर्ती ज्वेलर्सचे संचालक अमित सोनी यांनी दिली. या अत्यंत वाजवी घडणावळीमुळे अमरावती शहरासह संपूर्ण लगतच्या ग्रामीण भागातील ग्राहकांमध्ये खरेदीचा उत्साह असून, दिवाळीत उत्तम व्यवसायाची पूर्ण शक्यता आहे. त्रिमूर्ती ज्वेलर्स हे संपूर्ण विदर्भात अस्सल शुद्ध नाणी आणि सुबक लक्ष्मी-गणेश मूर्तींसाठी ओळखले जाते. त्यामुळे यंदाही मुहूर्ताच्या खरेदीसाठी अगोदरच मोठ्या प्रमाणावर ऑर्डर्स नोंदवल्या गेल्या आहेत.संचालक अमित सोनी यांनी पुढे स्पष्ट केले की, चांदीच्या दरात झालेल्या घसरणीमुळे चांदीची नाणी, पूजेची भांडी, भेटवस्तू आणि लहान गुंतवणुकीच्या वस्तूंमध्ये ग्राहकांचा कल लक्षणीय वाढला आहे. दिवाळीच्या मंगल पर्वावर चांदी खरेदी करणे अत्यंत शुभ मानणार्‍या कुटुंबांना या भाववाढ मुक्तीमुळे मोठा आर्थिक दिलासा मिळाला आहे.

पुढील वर्षी चांदी पुन्हा चार लाखांवर

मागणी आणि पुरवठ्याच्या गणितामुळे भविष्यात मोठी दरवाढ अपेक्षित जोखीम ओळखूनच ग्राहकांनी मौल्यवान धातूंमध्ये गुंतवणूक करावी सराफा बाजारात गुंतवणुकीची मागणी अशीच कायम राहिल्यास आणि पुरवठा मर्यादित राहिल्यास, दिवाळी 2027 पर्यंत सोन्याचा भाव पुन्हा 2.25 लाख रुपये प्रति 10 ग्रॅम, तर चांदीचा भाव प्रति किलोग्रॅम 4 लाख रुपयांपर्यंत पोहोचू शकतो, असा अंदाज सराफा व्यापारी असोसिएशनचे अध्यक्ष तथा 100 वर्षांहून अधिक जुनी परंपरा असलेल्या ’शा. दीपाजी सदाजी’ पेढीचे संचालक राजेंद्र भंसाली यांनी वर्तवला आहे. त्यांच्या मते, सोन्याच्या तुलनेत चांदीमध्ये चढ-उतार जास्त असले, तरी दरवाढीची गतीही चांदीमध्येच अधिक राहू शकते. मात्र, सोने-चांदीमध्ये गुंतवणूक करणे हा प्रत्येक ग्राहकाचा वैयक्तिक आर्थिक निर्णय आहे. सध्या घसरलेले दर हे ग्राहकांसाठी खरेदीची नामी संधी नक्कीच ठरत आहेत. राजेंद्र भंसाली यांनी स्पष्ट केले की, दरवाढीचा हा केवळ बाजाराचा अंदाज असून ते कोणतीही निश्चित उद्दिष्ट नाही. आंतरराष्ट्रीय बाजारपेठेची दिशा, अमेरिकन डॉलरच्या तुलनेत भारतीय रुपयाचे मूल्य, व्याजदर आणि जागतिक गुंतवणूकदारांची मागणी यावरच धातूंचे पुढील दर ठरणार आहेत.