ऐतिहासिक परकोटात सर्जा राजाचा जल्लोष

* ढोल ताशांच्या निनादात सजलेल्या बैलांची मिरवणूक

अमरावती/11 सप्टेंबर – ऐतिहासिक परकोट परिसरात पारंपरिक पोळा सण मोठ्या थाटामाटात साजरा झाला असून ढोल ताशांच्या कडकडाटात शेतकरी बांधवांनी आपल्या लाडक्या बैलांची भव्य मिरवणूक काढली. वर्षभर शेतात राबणार्‍या मुक्या जनावरांप्रति कृतज्ञता व्यक्त करण्यासाठी शहर आणि परिसरातील नागरिकांनी मोठी गर्दी करत सणाचा आनंद लुटला.(अमरावती शहराच्या परकोट भागात सकाळपासूनच पोळ्याचा उत्साह दिसून येत होता. बळीराजाने आपल्या सर्जा राजाला नदीवर नेऊन स्वच्छ आंघोळ घातली. त्यानंतर बैलांच्या अंगावर रंगीबेरंगी नक्षीकाम काढून शिंगांना हिंगूळ आणि बाशिंग बांधण्यात आले. दुपारी परकोटमैदानात वाजतगाजत मिरवणुकीला सुरुवात झाली. ढोल आणि ताशांच्या तालावर शेतकरी मुलांनी धरलेला ठेका पाहण्यासारखा होता. खा. आणि आ. यांच्यासह परिसरातील प्रतिष्ठित मंडळींनी उपस्थित राहून मानाच्या बैलांचे पूजन केले. महिलांनी औक्षण करत पुरणपोळीचा नैवेद्य भरवला. शेतीतील तंत्रज्ञान कितीही वाढले तरी बैलांशिवाय शेती पूर्ण होऊ शकत नाही अशी भावना यावेळी उपस्थित शेतकर्‍यांनी बोलून दाखवली. मिरवणुकीच्या मार्गावर नागरिकांनी मोठी गर्दी करत या पारंपरिक सोहळ्याचा आनंद घेतला. सायंकाळी तोरण तोडल्यानंतर उत्सवाची सांगता झाली.
मातीशी घट्ट नाळ-परकोटातील पोळा म्हणजे जुन्या संस्कृतीची जिवंत साक्ष ठरतो. काळ्या मातीत घाम गाळणार्‍या बळीराजाचे बैलांशी असणारे रक्ताचे नाते या सोहळ्यात ठळकपणे दिसून येते. आधुनिक काळातही ही सुंदर परंपरा जपून ठेवत शेतकर्‍यांनी शहरवासीयांचे मन जिंकून घेतले.