काँग्रेस वंदे मातरम्चे फक्त दोनच कडवे गाणार

वंदे मातरम् व राष्ट्रगीत भाजपसाठी राजकीय मुद्दे

नवी दिल्ली/19 ऑगस्ट ; नवी दिल्लीतील इंदिरा भवन येथे बुधवारी काँग्रेस कार्यसमितीची बैठक झाली. या बैठकीचे अध्यक्षस्थान काँग्रेस अध्यक्ष मल्लिकार्जुन खरगे यांनी भूषवले. या बैठकीत माजी पक्षाध्यक्ष सोनिया गांधी आणि राहुल गांधी, प्रियंका गांधी वाड्रा यांच्यासह 88 नेते सहभागी झाले.काँग्रेसने वंदे मातरम्बाबत आपली भूमिका स्पष्ट केली आहे. काँग्रेस सरचिटणीस के.सी. वेणुगोपाल यांनी सांगितले की, पक्ष 1937 मध्ये झालेल्या बैठकीत घेतलेल्या निर्णयाचे पालन करेल. यानुसार पक्षाच्या कार्यक्रमांमध्ये वंदे मातरमचे केवळ दोन कडवे गायले जातील.
वेणुगोपाल म्हणाले की, वंदे मातरम् आणि राष्ट्रगीत काँग्रेससाठी भावनिक मुद्दे आहेत, तर भारतीय जनता पक्षासाठी हे राजकीय मुद्दे आहेत. वेणुगोपाल म्हणाले- बैठकीत देशातील सध्याच्या राजकीय परिस्थितीवर चर्चा करण्यासोबतच विद्यार्थ्यांशी संबंधित मुद्दे आणि राम मंदिरासाठी मिळालेल्या देणगीतील कथित गैरव्यवहारावरून केंद्र सरकारच्या भाजप सरकारवर दबाव वाढवण्याच्या रणनीतीवरही विचारमंथन झाले.
आमचे लक्ष तीन-चार मुद्द्यांवर आहे. पहिला मुद्दा पेपरफुटीचा आहे. देशातील लोकांनी याविरोधात जे आंदोलन केले आणि सरकारने ज्या पद्धतीने त्या आंदोलनाशी व्यवहार केला, त्यावर चर्चा झाली.