अनिल अंबानींचे 3 हजार 716 कोटींचे घर जप्त

मुंबई/25 फेब्रुवारी – सूत्रानुसार मुंबईतील उद्योगपती अनिल अंबानी यांचे घर तात्पुरते जप्त करण्यात आले असून ही कारवाई अंमलबजावणी संचालनालयाने (ईडी) सुरू केली आहे. ईडीच्या माहितीनुसार, घराची किंमत अंदाजे 3,716 कोटी आहे. अनिल अंबानी आणि त्यांच्या समूह कंपन्यांविरुद्ध आतापर्यंत एकूण जप्तीची कारवाई 15,000 कोटींपेक्षा अधिक झाली आहे.या कारवाईपूर्वी, मुंबई उच्च न्यायालयाने सोमवारी अनिल अंबानी आणि रिलायन्स कम्युनिकेशन्स लिमिटेडच्या बँक खात्यांना फसवे म्हणून वर्गीकृत करण्याच्या प्रक्रियेला स्थगिती देणार्‍या एकल न्यायाधीशांच्या अंतरिम आदेशाला रद्द केले.