अचलपूर नगराध्यक्षांनी अधिकारी-कर्मचार्‍यांना फटकारले

अचलपूर / 3 जानेवारी : गेल्या चार वर्षांपासून अचलपूर नगरपालिकेत सुरू असलेल्या प्रशासक राजच्या मनमानी कारभाराला नगराध्यक्षा रुपाली माथने यांनी जोरदार चपराक लगावली आहे.
कार्यालयात वेळेवर न येणार्‍या आणि कामात कसूर करणार्‍या कर्मचार्‍यांवर नगराध्यक्षांनी अचानक धाड टाकत विसावर 20 कर्मचार्‍यांना गैरहजर पकडले. आता प्रशासक राज संपले असून लोकप्रतिनिधींचे लक्ष आहे, कामात हलगर्जीपणा करणार्‍यांची गय केली जाणार नाही, अशा शब्दांत नगराध्यक्षांनी कामचुकार कर्मचार्‍यांची चांगलीच झाडाझडती घेतली. या आक्रमक पवित्र्यामुळे पालिकेतील ’लेटलतीफ’ कर्मचार्‍यांमध्ये मोठी खळबळ उडाली आहे. नगरपालिकेच्या कामकाजाची वेळ सकाळी साडेनऊची (किंवा संदर्भानुसार पहाटे साडेसहाची) असतानाही अनेक कर्मचारी दांड्या मारत असल्याच्या तक्रारी नागरिकांकडून वारंवार येत होत्या. या तक्रारींची दखल घेत नगराध्यक्षा रुपाली माथने यांनी सकाळी सात वाजेच्या सुमारास नगरपालिकेत आकस्मिक भेट दिली. यावेळी धक्कादायक वास्तव समोर आले. अनेक विभागांतील खुर्च्या रिकाम्या होत्या आणि तब्बल 20 कर्मचारी आपल्या कर्तव्यावर हजर नव्हते. विशेष म्हणजे, जे काही मोजके कर्मचारी उशिरा पोहोचले होते, ते फोन करून इतर सहकार्‍यांना कार्यालयात बोलावून घेत असल्याचे नगराध्यक्षांच्या निदर्शनास आले. या प्रकारामुळे संतप्त झालेल्या नगराध्यक्षांनी हजेरीपटाची प्रत्यक्ष तपासणी केली आणि अनुपस्थित कर्मचार्‍यांची नोंद घेतली. तपासणी दरम्यान काही अधिकार्‍यांनी अमरावतीवरून येण्या-जाण्याचे (अप-डाऊन) जुनेच कारण