चार दिवसांत 107 अवैध दारू विक्रेत्यांना अटक

* गुन्हे शाखेसह 10 पोलिस ठाण्यांची धडक कारवाई

अमरावती /29 ऑक्टोबर – अमरावती शहर पोलीस आयुक्तालय क्षेत्रात दारूची बेकायदेशीर विक्री रोखण्यासाठी विशेष मोहीम राबविण्याबाबत पोलीस आयुक्त अरविंद चावरिया यांनी दिलेल्या आदेशानंतर, शहर पोलीसांच्या गुन्हे शाखेसह सर्व 10 पोलीस ठाण्यांच्या प्रभारींनी दारूच्या बेकायदेशीर विक्रीविरुद्ध मोठी मोहीम सुरू केली. परिणामी, 25 ते 28 ऑक्टोबर या चार दिवसांत अवैध दारू विक्रीचे 105 गुन्हे दाखल करण्यात आले आणि 107 आरोपींना ताब्यात घेण्यात आले. त्यांच्याकडून 2,67,145 रुपयांचा मालही जप्त करण्यात आला. या मोहिमेअंतर्गत, शहरातील 10 पोलिस ठाण्यांनी बेकायदेशीर दारू विक्रीचे 73 गुन्हे दाखल केले आणि 73 आरोपींना अटक केली, 1,42,745 रुपयांचा माल जप्त केला. गुन्हे शाखेने 32 गुन्हे दाखल केले, 34 आरोपींना अटक केली आणि 1,21,400 रुपयांचा माल जप्त केला. ही कारवाई पोलिस आयुक्त अरविंद चावरिया, पोलिस उपायुक्त रमेश धुमाळ, गणेश शिंदे आणि श्याम घुगे, गुन्हे शाखेचे सहाय्यक पोलिस आयुक्त शिवाजी बचाटे यांच्या मार्गदर्शनाखाली राजापेठ, गाडगे नगर आणि फ्रेझरपुराचे सहाय्यक पोलिस आयुक्त आणि गुन्हे शाखेचे पीआय संदीप चव्हाण यांच्यासह सर्व 10 पोलिस ठाण्याच्या अधिकार्‍यांच्या नेतृत्वाखाली करण्यात आली.