‘अमरावती मंडल’ च्या गणेशोत्सवात पोकळे व कडू दांपत्याची आरती

-आकर्षक रोषणाई व सजावटीने सजला उत्सवमहाल
-मान्यवरांच्या उपस्थितीत तीन दशकांची परंपरा उत्साहात
-अग्रवाल बंधूंकडून पाहुण्यांचा सन्मान
अमरावती / 2 सप्टेंबर : पश्चिम विदर्भातील अग्रगण्य हिंदी दैनिक ‘अमरावती मंडल’च्या खापर्डे बगीचा परिसरातील मुख्य कार्यालयात दरवर्षीप्रमाणे यंदाही गणेशोत्सव मोठ्या श्रद्धाभावाने व उत्साहात सुरू झाला आहे. या वेळी कार्यालयात दगडूशेठ हलवाई गणपतीच्या स्वरुपात आकर्षक मूर्ती स्थापित करण्यात आली असून सकाळ-संध्याकाळ विधीपूर्वक आरती व पूजन सुरू आहे.
सोमवारी संध्याकाळची आरती अमरावती विभागाचे विशेष पोलीस महानिरीक्षक रामनाथ पोकळे तसेच प्रसिद्ध फिजिशियन डॉ. प्रफुल कडू व डॉ. सारिका कडू यांच्या हस्ते संपन्न झाली. याप्रसंगी दैनिक अमरावती मंडलचे प्रबंध संपादक अनिल अग्रवाल व प्रबंध संचालक राजेश अग्रवाल यांनी पाहुण्यांचा शाल, श्रीफळ व पुष्पगुच्छ देऊन सन्मान केला. तसेच कार्यालयात तीन दशके अखंड सुरू असलेल्या गणेशोत्सव परंपरेची माहितीही त्यांना दिली. ही परंपरा ऐकून मान्यवर अत्यंत प्रभावित झाले.
यानंतर एसआयजी पोकळे व डॉ. कडू दांपत्य यांनी अग्रवाल बंधूंशी विविध विषयांवर चर्चा केली. ‘अमरावती मंडल’च्या तीन दशकीय वाटचालीचा गौरवशाली प्रवास, उपलब्धिपूर्ण पत्रकारिता याबाबत माहिती जाणून घेत त्यांनी संपादक व व्यवस्थापनाचे अभिनंदन केले. यावेळी सँड अँड स्टोनचे संचालक ऋषी अग्रवाल, प्रणय अग्रवाल, गिरीश जालान यांच्यासह अमरावती मंडल परिवारातील सर्व सदस्य उपस्थित होते.