सिटी लँडमध्ये दरोडा टाकण्याच्या प्रयत्नात तिघांना अटक

* गुन्हे शाखा, युनिट क्र.1 च्या पथकाची कारवाई

अमरावती /12 ऑगस्ट : मंगळवारी रात्री 10 वाजण्याच्या सुमारास नागपूर रोडवरील सिटी लँड परिसरात तीन तरुण घुसले आणि त्यांनी चाकू आणि तलवारी घेऊन व्यापार्‍यांना धमकावण्यास सुरुवात केली. माहिती मिळताच शहर पोलिसांच्या गुन्हे शाखा युनिट-1 च्या पथकाने तात्काळ घटनास्थळी पोहोचून तीन आरोपी तरुणांना ताब्यात घेतले. त्यांच्याकडून एक चिनी चाकू, एक तलवार, दोन स्टेनलेस स्टील रॉड आणि तीन मोबाईल फोन जप्त करण्यात आले. तिन्ही भावांनी मिळून हा गुन्हा केला आहे. ते दहशत निर्माण करत होते. पोलिस सूत्रांनी दिलेल्या माहितीनुसार तिघेही आरोपी मूळचे पश्चिम बंगालचे रहिवासी आहेत आणि ते भाऊ आहेत. गुन्हे शाखा युनिट-1 च्या पथकाने त्यांना ताब्यात घेतले असून तपास सुरू आहे. पकडलेले तीन तरुण पश्चिम बंगालमधील 24 परगणा जिल्ह्यातील बासुंदी पोलिस ठाण्याअंतर्गत येणार्‍या नेमुखली गावातील रहिवासी आहेत. ते सध्या जुनी वस्ती बडनेरा खाटीकपुरा परिसरामध्ये राहत आहेत. या तिन्ही तरुणांची नावे अब्दुल कलाम गाजी सुन्नत अली गाजी (37), दैयान गाजी सुन्नत अली गाजी (22), अब्दुल फारूख गाजी सुन्नत अली गाजी (27) अशी आहेत. गुन्हे शाखा युनिट-1 च्या पथकाने त्यांना अटक केल्यानंतर पुढील तपास आणि कारवाईसाठी त्यांना नांदगाव पेठ पोलिसांच्या ताब्यात देण्यात आले. ही कारवाई शहर पोलिस आयुक्त अरविंद चावरिया, पोलिस उपायुक्त रमेश धुमाळ, गणेश शिंदे, सहाय्यक पोलिस आयुक्त शिवाजी बचाटे, यांच्या मार्गदर्शनाखाली एपीआय मनीष वाकोडे व इम्रान नाईकवडे, एएसआय अशोक वाटाणे व युसूफ सौदागर, पोहेकाँ फेरोज खान, सतीश देशमुख, मंगेश लोखंडे, सचिन बहाळे व प्रशांत मोहोड, नापोकन नाझिमुद्दीन सय्यद, विकास गुडधे यांच्या पथकाने सचिन भोईर, पोकाँ सूरज चव्हाण, रणजीत गेवडे, निखिल गेंडे, नापोकन नजीमुद्दीन सय्यद, मो. पोकळ चालक अलीमोद्दीन खतीब, पोकळ चालक किशोर खांगरे, अशोक खंगार यांनी केली.