अवैध धंद्यावर शहर पोलिसांच्या छाप्यात व्यक्तीने स्वतःच गळा कापला

* जखमीवर उपचार सुरू

अमरावती /22 डिसेंबर – आगामी महापालिका निवडणुकीच्या पार्श्वभूमीवर शहरात अवैध दारु व्यवसायाविरोधात पोलिसांची कारवाई सुरू असताना आज सकाळी नागपुरी गेट परिसरातील यास्मीन नगर गली नंबर 2 मध्ये एक धक्कादायक घटना घडली. पोलिसांच्या छापेमारी दरम्यान शेख अकील शेख गफूर (वय 55) यांनी स्वतःच गळा कापून गंभीर जखमी झाले.
क्राईम ब्रांचच्या पोलिसांनी अवैध दारुच्या छापेमारीसाठी सकाळी 10.30 वाजता यास्मीन नगर येथील गल्लीत प्रवेश केला. यावेळी पोलिसांनी दोन पेटी देशी दारु जप्त केली, परंतु अकील यांनी कारवाई थांबवण्याचा आग्रह धरला. पोलिसांनी कारवाई आवश्यक असल्याचे सांगितले. याच दरम्यान अकील यांनी अचानक स्वतःच्या गळ्यावर धारदार वस्तूने हल्ला करून स्वतःला गंभीर जखमी केले. घटनास्थळी हडकंप उडाला आणि पोलिसांनी त्याला तातडीने जिल्हा रुग्णालयात नेऊन उपचार सुरू केले.जखमी अकील यांची पत्नी आणि मुलाने मात्र पोलिसांवर बेरहमीने मारहाणी करण्याचा आरोप केला आहे. त्यांचं म्हणणं आहे की, घरातील इतर सदस्य नसताना पोलिसांनी घरात घुसून पैसे मागितले आणि मारहाणी केली. यावरून दोन्ही पोलिसांवर कडक कारवाई होण्याची मागणी कुटुंबीयांनी केली आहे. घटनेच्या त्वरित नंतर नागपुरी गेट पोलिसांनी घटनास्थळी पोहोचून परिस्थिती सांभाळली. जखमीला जिल्हा रुग्णालयात दाखल करून उपचार सुरू करण्यात आले, तसेच क्राईम ब्रांचचे निरीक्षक संदीप चव्हाण आणि इतर वरिष्ठ अधिकारी देखील रुग्णालयात जाऊन परिस्थितीची पाहणी केली. पोलिस सूत्रांनी सांगितले की, शेख अकील यांच्यावर पूर्वी अनेक गुन्हे दाखल आहेत आणि ते पूर्वीपासून अवैध दारु व्यवसायात गुंतलेले होते. काही महिन्यांपूर्वीही पोलिस छापेमारी दरम्यान त्यांनी विद्युत प्रवाहित तार पकडून स्वतःला जखमी केले होते. मात्र अकील यांच्या कुटुंबीयांचा दावा आहे की, अलीकडच्या तीन महिन्यांपासून त्यांनी अवैध दारु व्यवसाय थांबवून ऑटो-रिक्शा चालवण्यास सुरुवात केली होती. या घटनेने संपूर्ण पोलिस विभागात हडकंप माजवला आहे. जखमी अकील यांच्यावर सध्या रुग्णालयात उपचार सुरू आहेत, तर या प्रकरणाची चौकशी पोलिसांनी सुरू केली आहे.