रेल्वेच्या धडकेत युवकाने गमावला पाय

अमरावती /11 डिसेंबर – शहरातील अंबा मंगलमजवळ ट्रेनने धडक दिल्याने एका तरुणाचा पाय तुटला. ही घटना बुधवार, 10 डिसेंबर रोजी सकाळी 10:30 वाजता घडली. जखमी व्यक्ती धामणगाव येथील रहिवासी असल्याचे सांगण्यात येत आहे.मिळालेल्या माहितीनुसार, जखमी तरुण अकोली परिसरात भाड्याने राहतो आणि मजूर म्हणून काम करतो. बुधवारी सकाळी नेहमीप्रमाणे तो कामावर जात असताना बडनेराहून अमरावतीकडे येणार्‍या ट्रेनने त्याला धडक दिली आणि तो गोपाल नगर रेल्वे रुळावर पडला. या अपघातात त्याचा पाय तुटला. रक्ताच्या थारोळ्यात असलेल्या जखमी तरुणाला जिल्हा रुग्णालयात दाखल करण्यात आले आहे, जिथे त्याच्यावर उपचार सुरू आहेत.