ठरलं.. राज-उद्धव ठाकरेंचा 5 जुलैला मुंबईत मोर्चा

-संजय राउतांनी दिली माहिती
मुंबई / 27 जून: हिंदी सक्ती विरोधात मनसे अध्यक्ष राज ठाकरे आणि उद्धव बाळासाहेब ठाकरे गटाचे प्रमुख उद्धव ठाकरे हे मुंबईत एकत्र मोर्चा काढणार आहे. मनसेकडून 5 जुलै रोजी या मोर्चाचं आयोजन करण्यात आलं आहे. सुरूवातीला राज ठाकरेंनी 6 जुलैची घोषणा केली होती मात्र आषाढी एकादशी असल्याने त्यात बदल करून 5 जुलै ही मोर्चाची तारीख ठरवण्यात आली आहे तर उद्धव ठाकरे देखील 7 जुलै रोजी मराठी अभ्यास केंद्राच्या मोर्चाला उद्धव ठाकरेंनी पाठिंबा दिला असून त्या मोर्चात ते सहभागी होणार होते.
यानंतर हिंदी भाषेच्या सक्तीविरोधात मराठी माणसाची एकजूट दिसावी, याकरता दोन आंदोलनं न करता एकच मोर्चा निघालाय हवा, यासाठी ठाकरेंच्या सेनेने मनसेच्या मोर्च्यात सहभागी व्हावं असा प्रस्ताव पाठवण्यात आला होता. यासंदर्भात हिंदी सक्तीविरोधात एकच आणि एकत्र मोर्चा निघेल, असं संजय राऊतांनी ट्वीटद्वारे म्हटलं आहे. त्यामुळे दोन्ही ठाकरे बंधून हिंदी सक्तीविरोधातील मोर्चामध्ये एकत्र दिसणार आहे.
महाराष्ट्राच्या शालेय अभ्यासक्रमात हिंदी लादणे म्हणून वर्णन केलेल्या विरोधात एकत्र येण्याचे मान्य केले आहे, असे शिवसेना (यूबीटी) नेते संजय राऊत यांनी सांगितले. काही दिवसांच्या समांतर घोषणांनंतर, शिवसेना (यूबीटी) आणि महाराष्ट्र नवनिर्माण सेना (मनसे) आता मुंबईमध्ये संयुक्त मोर्चाचे नेतृत्व करतील आणि राज्य सरकारच्या त्रिभाषिक सूत्राला विरोध करतील, ज्यामध्ये प्राथमिक शाळेतील विद्यार्थ्यांसाठी हिंदी ही तिसरी भाषा म्हणून अनिवार्य आहे.
संजय राऊत यांनी आज एका पोस्टमध्ये या घडामोडीला दुजोरा दिला, महाराष्ट्रातील शाळांमध्ये हिंदी लादण्याविरुद्ध एक संयुक्त मोर्चा काढला जाईल. जय महाराष्ट्र! असे लिहिले. त्यांच्या पोस्टसोबत उद्धव आणि राज ठाकरे दोघेही बाळ ठाकरेंच्या तस्विरीसमोर उभे असलेले जुने चित्र होते. बीएमसी निवडणुका जवळ येत असताना, या हालचालीकडे केवळ सांस्कृतिक निषेधासाठी एकत्र येणारे वेगळे चुलत भाऊ-बहिणी म्हणून पाहिले जात नाही तर निवडणुकीपूर्वी एक धोरणात्मक पाऊल म्हणून देखील पाहिले जात आहे.
-शरद पवारांच्या पक्षाचा जाहिर पाठिंबा
हिंदी सक्ती विरोधाच्या मुद्द्यावरून ठाकरे बंधुंकडून 5 जुलै रोजी काढण्यात येणार असलेल्या मोर्चाला शरद पवार यांच्याकडून जाहीरपणे पाठिंबा देण्यात आला आहे. या मोर्चामध्ये शरद पवार यांचे कार्यकर्ते सहभागी होणार असल्याची माहिती मिळतेय. शिक्षणात त्रिभाषा सूत्रान्वये केल्या जाणार्‍या हिंदी सक्तीला विरोध करण्यासाठी, आणि प्राथमिक शिक्षण प्रामुख्याने मातृभाषेतूनच व्हावे ह्या मागणीसाठी तमाम मराठीजनांकडून मुंबईत पुकारण्यात आलेल्या मोर्चाला ‘राष्ट्रवादी काँग्रेस पक्ष शरदचंद्र पवार’ पक्षाचा जाहीर पाठिंबा, सर्वांनी मोठ्या संख्येने सहभागी होऊयात !’, असं आवाहन शरद पवार गटाकडून करण्यात आलंय.
-काँग्रेसचे अटींसह समर्थन
काँग्रेस नेते विजय वडेट्टीवार यांनी पत्रकार परिषदेत बोलताना हिंदी सक्तीविरोधातील काँग्रेसची भूमिका आधीच स्पष्ट असल्याचे सांगितले आहे. ते याबाबत म्हणाले की, महाराष्ट्रामध्ये हिंदीची सक्ती नको, ही आमची भूमिका आम्ही याआधीच मांडली आहे. ठाकरे बंधूंच्या एकत्रित मोर्चाबद्दल विचारले असता, त्यांनी अटींसह समर्थनाची तयारी दर्शवली. जर दोन्ही भाऊ एकत्र येऊन या विषयावर मोर्चा काढणार असतील, जर कुठल्याही बॅनरशिवाय मराठीसाठी मोर्चा काढला जाणार असेल आणि दोन्ही भावांचे निमंत्रण आले तर आम्ही विचार करू आणि त्याबाबत आमची भूमिका सकारात्मक असेल, असे विजय वडेट्टीवार यांच्याकडून याआधीच स्पष्टपणे सांगण्यता आले आहे.