कंगना रणौतचा चिराग पासवान सोबत संबध असल्याचा इन्कार

नवी दिल्ली/16एप्रिल-अभिनेत्री आणि खासदार कंगना रणौतने केंद्रीय मंत्री चिराग पासवान यांच्यासोबतच्या आपल्या नात्यावर मोकळेपणाने भाष्य केले आहे. त्यांनी स्पष्ट केले आहे की, त्यांच्या आणि चिराग यांच्यात कोणताही रोमँटिक अँगल नाही. एएनआयला दिलेल्या मुलाखतीत कंगनाला चिराग पासवान यांच्यासोबतच्या तिच्या कथित अफेअरबद्दल प्रश्न विचारण्यात आला. यावर हसत कंगना म्हणाली, नाही, चिराग फक्त माझा एक खूप चांगला मित्र आहे. जेव्हा मी त्याच्याबद्दल विचार करते, तेव्हा मला तो फक्त एक मित्र म्हणूनच दिसतो.
संभाषणादरम्यान कंगनाने अत्यंत स्पष्ट आणि विनोदी शैली स्वीकारली. ती म्हणाली, आम्ही सुमारे 10 वर्षांपूर्वी एक चित्रपट एकत्र केला होता. जर आमच्यात खरोखरच काही घडले असते, तर आतापर्यंत आमची मुले झाली असती. कंगनाने पुढे म्हटले की, जर रोमान्स व्हायचा असता, तर तो आतापर्यंत झाला असता. कंगना आणि चिराग पासवान यांच्यातील संबंध खूप जुने आहेत. 2011 साली आलेल्या चित्रपट ’मिले ना मिले हम’ मधून चिराग पासवान यांनी बॉलिवूडमध्ये पदार्पण केले होते. या चित्रपटात कंगना रणौत त्यांची मुख्य अभिनेत्री होती. चित्रपटाने बॉक्स ऑफिसवर विशेष काही कमाल केली नाही, पण इथूनच दोघांच्या मैत्रीची सुरुवात झाली.
’इमर्जन्सी’ नंतर ’क्वीन 2’ ची तयारी-कंगनाचा नुकताच प्रदर्शित झालेला चित्रपट ’इमर्जन्सी’ होता, ज्यात तिने माजी पंतप्रधान इंदिरा गांधी यांची भूमिका साकारली होती. या चित्रपटाचे दिग्दर्शनही तिने स्वतःच केले होते. आगामी काळात कंगना तिच्या फ्रँचायझीच्या पुढील भागांमध्ये ’क्वीन 2’ आणि ’तनु वेड्स मनु 3’ मध्ये दिसणार आहे. तर, चिराग पासवानने आता चित्रपटसृष्टी सोडून पूर्णपणे राजकारण आणि आपल्या मंत्रालयाच्या जबाबदार्‍यांमध्ये स्वतःला गुंतवून घेतले आहे.