भारतात पहिल्यांदाच इच्छामरणाची परवानगी

* 13 वर्षांपासून हरीश राणा होते कोमात

नवी दिल्ली/11 मार्च – सर्वोच्च न्यायालयाने आज एक ऐतिहासिक निर्णय दिला आहे. 13 वर्षांपासून कोमात असलेल्या हरीश राणा यांच्या इच्छा मरणाची परवानगी मंजूर केली आहे. हरीश राणा हे सध्या लाइफ सपोर्ट सिस्टीमवर जिवंत आहेत. सर्वोच्च न्यायालयाने यावर निर्णय देताना, डॉक्टरांच्या वैद्यकीय मंडळाने शिफारस केल्यास कृत्रिमरित्या उपचार रद्द करता येतात. हा निर्णय निष्क्रिय इच्छामरणाशी संबंधित आहे, जो मागे घेऊन नैसर्गिक मृत्यूला परवानगी देतो आणि देशात अशा प्रकरणांसाठी एक महत्त्वाचा कायदेशीर आदर्श मानला जात आहे. न्यायमूर्ती जे.बी. पारडीवाला आणि आर. महादेवन यांच्या खंडपीठाने हा निर्णय दिला आहे. निर्णय देताना, जेव्हा रुग्ण बरा होण्याची शक्यता नसते आणि चार वर्षांपेक्षा जास्त काळ कोमात असतो तेव्हा जीवनरक्षक बंद करणे नैतिक आणि कायदेशीरदृष्ट्या न्याय्य आहे.