अपघात झालेल्या विमानाचे ब्लॅक बॉक्स सापडले

* तपासासाठी एएआयबीचे 40 जणांचे पथक नियुक्त

अहमदाबाद /13 जून: एअर इंडियाच्या अपघात झालेल्या अख 171 विमानाचा इश्ररलज्ञ इेु सापडला आहे. याआधी विमानाचा डीव्हीआर अर्थात डिजिटल व्हिडीओ रेकॉर्डर पण सापडला आहे. ब्लॅक बॉक्स आणि डीव्हीआर सापडल्यामुळे विमानाच्या अपघाताचे कारण शोधण्यास मदत होणार आहे. विमान ज्या इमारतीच्या छताला धडकले त्याच इमारतीच्या गच्चीवर डिजिटल फ्लाइट डेटा रेकॉर्डर अर्थात डीएफडीआर ज्याला ब्लॅक बॉक्स असेही म्हणतात तो सापडला आहे. भारताच्या एअरक्राफ्ट अ‍ॅक्सीडेंट इनव्हेस्टिगेशन ब्युरो अर्थात एएआयबीने विमानाच्या अपघाताचे कारण शोधण्यासाठी तपास सुरू केला आहे. ब्लॅक बॉक्स आणि डीव्हीआर सापडल्यामुळे तपासाचे काम वेग घेण्याची शक्यता व्यक्त होत आहे. अपघाताचे कारण शोधण्यासाठी नागरी विमान वाहतूक मंत्रालयाने एएआयबीचे 40 जणांचे पथक नियुक्त केले आहे. या पथकाने त्यांचे काम सुरू केले आहे.याआधी अहमदाबादहून लंडन गॅटविकला जाणार्‍या -ख 171 विमानाला गुरुवार 12 जून 2025 रोजी दुपारी अपघात झाला. तब्बल 12 वर्षे जुने बोईंग 787-8 विमान अहमदाबादहून दुपारी 1.38 वाजता निघाले होते, त्यात 230 प्रवासी आणि 12 कर्मचारी होते. उड्डाणानंतर लगेचच विमान कोसळले. विमानातील 242 प्रवाशांपैकी 241 जणांचा मृत्यू झाला आहे. एकमेव वाचलेल्या व्यक्तीवर रुग्णालयात उपचार सुरू आहेत. प्रवाशांमध्ये 169 भारतीय नागरिक, 53 ब्रिटिश नागरिक, 7 पोर्तुगीज नागरिक आणि 1 कॅनेडियन नागरिक आहे. वाचलेली व्यक्ती भारतीय वंशाची ब्रिटिश नागरिक आहे; असे एअर इंडियाने जाहीर केले. तर विमानातील 242 जणांपैकी 241 जणांचा मृत्यू झाला. विमान जिथे कोसळले त्या भागातील 24 नागरिकांचाही मृत्यू झाला. यामुळे मृतांची एकूण संख्या 265 झाली; असे अहमदाबाद पोलिसांनी सांगितले. नागरी विमान वाहतूक महासंचालनालयाने अर्थात डीजीसीएने दिलेल्या माहितीनुसार विमानाने गुरुवार 12 जून 2025 रोजी दुपारी 1.38 वाजता उड्डाण केले आणि काही सेकंदातच ’मेडे’ असा संकटाचा इशारा देणारा पुकारा केला. याला प्रतिसाद देत विमान वाहतूक नियंत्रण कक्षाने नेमके काय घडले आहे हे जाणून घेण्याचा प्रयत्न केला पण विमानातून प्रतिसाद मिळाला नाही आणि अपघात झाला. धावपट्टी क्रमांक 23 वरुन उड्डाण केलेले विमान विमानतळाच्या परिघाबाहेर मेघानी परिसरात कोसळले. विमान कॅप्टन सुमित सभरवाल यांच्या नेतृत्वाखाली होते, त्यांच्यासोबतप्रथम अधिकारी (फर्स्ट ऑफिसर) म्हणून क्लाइव्ह कुंदर काम करत होते.