मनपा आयुक्त सौम्या शर्मा चांडक यांची पाहणी

अमरावती /23 डिसेंबर : अमरावती महानगरपालिकेतील आगामी सार्वत्रिक निवडणुकीच्या पारदर्शक व सुरळीत आयोजनासाठी आज मंगळवार, दिनांक 23 डिसेंबर 2025 रोजी निवडणूक अधिकारी तथा अमरावती महानगरपालिका आयुक्त सौम्या शर्मा चांडक यांनी सांस्कृतिक भवन व आयटीआय कॉलेजची पाहणी केली.
अमरावती महानगरपालिका आयुक्त सौम्या शर्मा चांडक यांनी यावेळी सांस्कृतिक भवन येथील एतच् (इलेक्ट्रॉनिक मतदान यंत्र) स्टोअर आणि आयटीआय कॉलेज येथे होणार्‍या निवडणूक प्रशिक्षण केंद्र यांचा सविस्तर आढावा घेतला. त्यांनी एतच् स्टोअरमधील सुरक्षितता, उपकरणांची योग्य साठवण व्यवस्था, सीसीटीव्ही निगराणी, प्रवेश नियंत्रण आणि यंत्रांची तपासणी केली. तसेच, त्यांनी अधिकार्‍यांकडून एतच् व्यवस्थापनासंबंधी मार्गदर्शन घेतले व सर्व नियमांचे काटेकोर पालन करण्याचे निर्देश दिले.
यावेळी त्यांनी विशेषतः एतच् च्या सुरक्षिततेवर भर दिला, कारण मतदान प्रक्रियेत यंत्रांची अचूकता आणि सुरक्षितता ही पारदर्शक निवडणुकीसाठी अत्यंत महत्त्वाची आहे. आयुक्त सौम्या शर्मा चांडक यांनी स्टोअरमध्ये सुरक्षा उपायांची सखोल पाहणी करून संबंधित अधिकार्‍यांना आवश्यक सुधारणा सुचवल्या. त्यानंतर त्यांनी आयटीआय कॉलेज येथे होणार्‍या निवडणूक प्रशिक्षणाची तयारी तपासली. प्रशिक्षण केंद्राची बैठक व्यवस्था, तांत्रिक साधने, मार्गदर्शन सत्रांची रूपरेषा आणि कर्मचारी प्रशिक्षणासाठी लागणार्‍या सुविधा यांचा त्यांनी सविस्तर आढावा घेतला. त्यांनी स्पष्ट केले की, निवडणूक प्रक्रिया सुरळीत पार पाडण्यासाठी प्रशिक्षण महत्त्वाचे असून, कर्मचार्‍यांना संपूर्ण मार्गदर्शन मिळणे आवश्यक आहे. आयुक्त सौम्या शर्मा चांडक यांनी उपस्थित अधिकारी व कर्मचार्‍यांना निर्देश दिले की सर्व तयारी वेळेत पूर्ण करावी आणि निवडणूक आयोगाच्या मार्गदर्शक सूचनांचे पालन करावे.