मुलीच्या हत्येचा खटला ‘फास्ट ट्रॅक’ कोर्टात चालवून आरोपीला फाशीची शिक्षा द्या

* घरमालकाचीही चौकशी करण्याची विनंती

अमरावती /10 जून: नेरपिंगळाई येथील ग्रामस्थांनी मृतक विद्यार्थीनीची आई आणि बहिणीसह पोलीस आयुक्त अरविंद चावरिया यांची मंगळवारी भेट घेतली. आणि गाडगे नगर पोलीस स्टेशन परिसरात घडलेल्या अभियांत्रिकी विद्यार्थ्याच्या मृत्यूचा खटला ’फास्ट ट्रॅक’ न्यायालयात चालवावा आणि आरोपीस फाशीची शिक्षा देण्यात यावी अशी मागणी केली. यावेळी निवेदन सादर करताना आरोपी प्रतीक हिवसेच्या साथीदाराला अटक करण्याची मागणीही करण्यात आली. याशिवाय मृतक विद्यार्थीनी भाड्याने राहत असलेल्या घर मालकाची सुध्दा चौकशी करण्याची मागणी केली आहे. मंगळवार, 10 जून रोजी दुपारी नेरपिंगळाई येथील नागरिक मृतक विद्यार्थीनीची आई आणि बहिणीसह पोलीस आयुक्तांना भेटल्यानंतर निवेदन सादर करताना त्यांनी सांगितले की, मृतक विद्यार्थीनीच्या पालकांनी तिच्या शिक्षणासाठी अथक परिश्रम घेतले. ती अमरावतीतील एका प्रसिद्ध महाविद्यालयात शिकत होती. ती दुसर्‍या वर्षाची अभियांत्रिकीची विद्यार्थिनी होती. गावाहून परतल्यानंतर, तिचा खून झाल्याचे कळताच तिच्या पालकांना धक्का बसला. एका सामान्य शेतकर्‍याचे स्वप्न असते की, त्याची मुलगीही स्वतःच्या पायावर उभी राहावी, परंतु शहरात शिक्षण घेण्यासाठी आल्यानंतर तरुणांची एक टोळी सक्रिय असते जी मुलींना प्रेमाच्या जाळ्यात अडकवून तिचे शोषण करतात. म्हणूनच अशा घटना घडतात. ही घटना अत्यंत निषेधार्ह आहे. या प्रकरणातील आरोपींना फाशी द्यावी आणि खटला जलदगती न्यायालयात चालवावा अशी मागणी ग्रामस्थांनी केली आहे. यासोबतच, अटक केलेल्या आरोपींच्या सर्व साथीदारांची सखोल चौकशी करावी, घटनास्थळी उपस्थित असलेल्या आरोपीचा मित्र प्रथमेश अढावू याला तात्काळ अटक करावी, प्रकरणाच्या तपासाची दररोजची माहिती कुटुंबाला द्यावी. यावेळी पोलीस विभागाने बाहेर गावावरून शिक्षणासाठी येणार्‍या विद्यार्थिनींसाठी स्वतंत्र हेल्पलाइन सुरू करावी, याप्रकरणी घरमालकाची चौकशी करावी, तसेच या प्रकरणाच्या तपासात गाडगे नगर पोलिसांना त्यांची भूमिका संशयास्पद असल्याने त्यांना कडक सूचना द्याव्यात आदी मागण्या करण्यात आल्या. निवेदन देणार्‍यांमध्ये प्रवीण बोबडे, वेदांती बोबडे, सुरेखा बोबडे, आशिष बोबडे, अरुण पातुरकर, दिलीप खवले, राजेंद्र लोचन, संजय सुने, प्रमोद पाचघरे, विष्णुपंत कुर्‍हाडे, उद्धव गणोरकर, वामन बोबडे, संदीप घाटोळ, आशिष बोबडे, आशिष बोबडे, देवमागे, तनखे, श्री. चरडे, दिलीप बोरकर, आशिष श्रीखंडे, बंटी मेंढे, मंगेश चरडे, विजय वासनकर, उल्हास श्रीखंडे, प्रकाश श्रीखंडे, नीलेश खंडारकर, मधुकर बोबडे, विशाल मासोदकर, अंकुश बोबडे, केतन फसाटे, श्रीकृष्ण डहाके, राहुल मंगळे, संजय खांडे, प्रदीप बोबडे, अनिल बकाले, संजय मोहोकर आदींचा समावेश आहे. नेरपिंगळाई येथील ग्रामस्थांनी पोलीस आयुक्त अरविंद चावरिया यांची भेट घेतली आणि गाडगे नगर पोलिसांच्या तपासावर संशय व्यक्त केला. मृतकची आई आणि बहिणीसह ग्रामस्थांनी सांगितले की, गाडगे नगर पोलिस अटक केलेल्या आरोपी आणि त्याच्या साथीदारांना पाठीशी घालत आहे. जर आरोपीने घटनेची कबुली दिली नाही, तर या प्रकरणाची एसआयटी किंवा सीबीआयमार्फत चौकशी करावी आणि मृतकाच्या कुटुंबाला न्याय मिळवून द्यावा. जर त्यांच्या मागण्यांकडे दुर्लक्ष केले गेले तर ग्रामस्थ पोलीस आयुक्त कार्यालयासमोर तीव्र आंदोलन करण्याचा इशारा दिला.