दगडफेक करत गाडीची तोडफोड

तिरुवनंतपुरम/27 मे-केरळचे माजी मुख्यमंत्री पिनारई विजयन यांच्या घरी छापा टाकण्यासाठी गेलेल्या अंमलबजावणी संचालनालयाच्या (एऊ) पथकावर सीपीआय समर्थकांनी हल्ला केला. ईडीचे 12 सदस्यीय पथक तिरुवनंतपुरममधील बेकरी जंक्शन येथील विजयन यांच्या घरासह 10 ठिकाणी मनी लॉन्ड्रिंग प्रकरणात छापा टाकण्यासाठी पोहोचले होते. त्यावेळी विजयन आणि त्यांचे कुटुंब घरात उपस्थित होते. छाप्याची बातमी पसरताच मोठ्या संख्येने सीपीआय समर्थक घराबाहेर जमा झाले. ईडीचे पथक बाहेर पडत असताना जमावाने त्यांच्या गाड्यांवर दगड आणि काचेच्या बाटल्या फेकल्या. गाड्यांच्या काचा फोडण्यात आल्या आणि लाठीनेही हल्ला करण्यात आला.हे प्रकरण विजयन यांची मुलगी टी वीना यांच्या ’एक्सालॉजिक सोल्युशन्स’ कंपनीशी संबंधित आहे. आरोप आहे की, कोचीन मिनरल्स अँड रुटाईल लिमिटेड (उचठङ) ने 2018-19 मध्ये वीना यांच्या कंपनीला मासिक पेमेंट म्हणून 1.72 कोटी दिले, परंतु त्या बदल्यात एक्सालॉजिक सोल्युशन्सने कोणतीही सेवा दिली नाही.
या संशयास्पद व्यवहाराच्या आधारावर ईडी मनी लाँड्रिंगची चौकशी करत आहे. उचठङ आणि एक्सालॉजिक यांच्यातील या देयकाबाबत यापूर्वी आयकर विभागानेही प्रश्न उपस्थित केले होते. नंतर याच आधारावर ईडीने मनी लाँड्रिंगची चौकशी सुरू केली आहे. यापूर्वी मंगळवारी केरळ उच्च न्यायालयाने उचठङ ची याचिका फेटाळली होती. त्यानंतर एक दिवसाने ही कारवाई झाली आहे. कंपनीने ईडीची चौकशी रद्द करण्याची मागणी केली होती. ईडीने या प्रकरणात 2024 मध्ये गुन्हा दाखल केला होता. उचठङ नावाच्या कंपनीने 2018-19 दरम्यान विजयन यांची मुलगी टी. वीणा यांच्या एक्सालॉजिक सोल्युशन्स या आयटी कंपनीला 1.72 कोटी रुपये दिले. हा आरोप आहे की हे पैसे कोणतीही सॉफ्टवेअर किंवा आयटी सेवा न देता बनावट खर्च म्हणून दिले गेले. या खुलास्यानंतर ईडीने झचङअ अंतर्गत गुन्हा दाखल करून तपास सुरू केला होता.ईडीने 2024 मध्ये आरोपांची चौकशी करण्यासाठी झचङअ प्रकरण दाखल केले होते. हा मुद्दा विजयन सरकारच्या समोर राजकीयदृष्ट्या सर्वात संवेदनशील विवादांपैकी एक राहिला आहे. ईडीच्या तपासाव्यतिरिक्त, या प्रकरणाची चौकशी सीरियस फ्रॉड इन्व्हेस्टिगेशन ऑफिस देखील करत आहे.