ओबीसी जनता पक्षाची स्थापना

मुंबई/19 जुलै : ओबीसी नेते लक्ष्मण हाके यांनी महाराष्ट्राच्या राजकारणात मोठी घोषणा करत नव्या राजकीय पक्षाची स्थापना करणार असल्याचे जाहीर केले आहे. ‘ओबीसी जनता पार्टी’ असे या नव्या पक्षाचे नाव असणार असून, ओबीसी समाजाच्या प्रतिनिधित्वासाठी आगामी निवडणुका लढविणार असल्याची माहिती त्यांनी दिली. लक्ष्मण हाके यांनी सांगितले की, राज्यातील ओबीसी समाजाचे प्रश्न
प्रभावीपणे मांडण्यासाठी आणि त्यांना स्वतंत्र राजकीय व्यासपीठ मिळावे, या उद्देशाने हा पक्ष स्थापन करण्याचा निर्णय घेतला आहे.
यावेळी त्यांनी भाजपवरही टीका केली. भाजपचा डीएनए आता ओबीसींचाराहिलेला नाही, तो कारखानदारांचा झाला आहे, असा आरोप करत त्यांनी सत्ताधारी पक्षाच्या भूमिकेवर प्रश्नचिन्ह उपस्थित केले. तसेच, सत्तेत आल्यानंतरही इतर पक्षांतील नेत्यांची फोडाफोड का केली
जाते, असा सवालहीत्यांनी उपस्थित केला. वारीच्या पोर्शभूमीवर बोलताना हाके म्हणाले, पांडुरंगाकडे माझी एकच प्रार्थना आहे की, महापूजेला येणार्‍या मुख्यमंत्र्यांना सद्बुद्धी मिळावी आणि पक्षफोडीचे राजकारण थांबावे. आता सर्वसामान्यांच्या प्रश्नांवर काम करण्याची वेळ आली आहे राष्ट्रवादी काँग्रेसवरही टीका करताना त्यांनी पक्षाने ओबीसी समाजासाठी ठोस लढा उभारला नसल्याचा आरोप केला. दोन्ही राष्ट्रवादी पक्ष सत्तेच्या राजकारणातच गुंतले असून, त्यांच्यात मूलभूत फरक नसल्याचा दावाही त्यांनी केला.