नागापूरच्या रवीना जामकर यांच्या मृत्युमुळे गदारोळ

*मृत्युस नातेवाईकांनी डॉक्टरांना ठरविले दोषी

*दोषींवर कारवाई होईपर्यंत मृतदेह ताब्यास घेण्यास नकार

अमरावती /11 जून:मेळघाटातील नागापूर येथील एका नवजात बाळाच्या आईच्या मृत्यूमुळे अचलपूर उपजिल्हा रुग्णालयात गोंधळ उडाला. कुटुंबीयांनी डॉक्टरांवर निष्काळजीपणाचा आरोप केला आणि दोषींवर कारवाई होईपर्यंत मृतदेह स्वीकारण्यास नकार दिला. मृताचे अनेक नातेवाईक आणि नागापूरमधील रहिवासी तेथे उपस्थित होते. माजी आ. राजकुमार पटेल यांनीही मृताच्या नातेवाईकांच्या मागणीला पाठिंबा दिला. दुसरीकडे, धारणीचे पोलिस स्टेशन प्रभारी जाधव मध्यस्थी करण्याचा प्रयत्न करत होते. या घटनेमुळे तेथील वातावरण तणावपूर्ण झाले होते. मिळालेल्या माहितीनुसार, नागापूर येथील रवीना केशवजामकर हिने 12 दिवसांपूर्वी बाळाला जन्म दिला होता. पण रवीनाची तब्येत सतत खालावत गेली. डॉक्टरांच्या निष्काळजी पणामुळे तिच्या मृत्यू झाल्याचा आरोप कुटुंबीयांनी केला. मंगळवारी दुपारी 2 वाजता रवीनाचा मृत्यू झाला. त्यानंतर तिची आई शांती हरिश्चंद्र कासदेकर यांनी आरोग्य विभागावर गंभीर आरोप केले. माध्यमांशी बोलताना तिने सांगितले की, रवीनाला आरोग्य केंद्रातून रुग्णालयात आणण्यासाठी वाहन उपलब्ध होते. परंतु डॉक्टर उपस्थित नव्हते. अशा परिस्थितीत डॉक्टरांच्या निष्काळजीपणामुळे रविनाचा मृत्यू झाला. तिची 12 दिवसांची मुलगी आईच्या प्रेमापासून वंचित झाली. शांती कासदेकर यांनी दोषी डॉक्टरांवर तात्काळ कारवाई करण्याची मागणी केली. नागापूर गावातील अनेक नातेवाईक आणि ग्रामस्थ तिच्यासोबत रुग्णालयात पोहोचले. त्यामुळे रूग्णालय परिसरात एकच गोंधळ उडाला होता. घटनेची माहिती पोलिसांना देण्यात आली. पोलिस निरीक्षक जाधव यांनी दवाखान्यात पोहोचून मध्यस्थी करण्याचा प्रयत्न केला. त्यांनी शांती कासदेकर यांच्याशी चर्चा करतांना सांगितले की, दोषींवर कायद्यानुसार कारवाई करण्यात येईल.जामकर आणि कासदेकर कुटुंबाने मृताचा मृतदेह ताब्यात घेऊन तिच्यावर अंत्यसंस्कार करण्यास यावे असा सल्ला दिला. परंतु पोलिस निरीक्षक जाधव यांच्या उत्तराने कुटुंबाचे समाधान झाले नाही. बराच वेळपर्यंत मृतकाचे कुटुंबिय मृतदेह ताब्यात न घेण्यावर ठाम होते. माजी आ.राजकुमार पटेल यांनीही रविनाच्या मृत्यूसाठी जबाबदार असलेल्या डॉक्टरांवर तात्काळ कारवाई करण्याची मागणी केली. तथापि, त्यांनी कुटुंबातील सदस्यांना समजावण्याचा प्रयत्नही केला. रवीनाच्या आईने डॉक्टरांवर निष्काळजीपणाचा आरोप केला आहे.ती म्हणाली की, जर डॉक्टर वेळेवर पोहोचले असते तर आज तिची मुलगी वाचली असती. अशी खंत व्यक्त करून हंबरडा फोडला. तिच्या 12 दिवसांच्या मुलीला आईच्या प्रेमापासून वंचित व्हावे लागले.उल्लेखनिय असे की, मेळघाटमधील रुग्णालयांमध्ये प्रसूतीसाठी प्रशासन प्रयत्न करते. जेणेकरून आई आणि बाळ सुरक्षित राहतील. त्याचप्रमाणे, विशेष काळजी घेण्याचेही सांगितले जाते. वैद्यकीय उपचारांमध्ये या कथित विलंबामुळे त्याच मेळघाटमधील नागापूर येथील एका नवजात महिलेला आपला जीव गमवावा लागला.