‘त्या’ विद्यार्थीनीच्या हत्येप्रकरणी दुसर्‍या आरोपीस अटक

अमरावती /11 जून: गाडगे नगर पोलीस स्टेशन परिसरातील एका अभियांत्रिकी विद्यार्थीनीच्या मृत्यूप्रकरणी, पोस्टमॉर्टम रिपोर्ट आणि मृताच्या मोठ्या बहिणीच्या तक्रारीच्या आधारे, पोलिसांनी हत्येचा गुन्हा दाखल करून प्रतीक हिवसेला अटक केली. या प्रकरणात, पोलिसांनी या आरोपीसह प्रथमेश अढावूलाही अटक केली आहे. अशा प्रकारे, या प्रकरणातील आरोपींची संख्या दोन झाली आहे. मंगळवार 10 जून रोजी प्रतीक हिवसेचा रिमांड संपल्यानंतर, पोलिसांनी त्याला न्यायालयात हजर केले असता न्यायालयाने त्याची न्यायालयीन कोठ डीत रवानगी केली. 4 जून रोजी गाडगे नगर पोलिस स्टेशन हद्दीत भा ड्याच्या खो लीत राहणार्‍या एका अभियांत्रिकीच्या विद्यार्थीनीचा मृतदेह फाशीवर लटकलेल्या अवस्थेत आढळला होता. सदर विद्यार्थीनीचा मित्र प्रतीक हिवसे व त्याचा मित्र प्रथमेश अढावूसोबत विद्यार्थीनीच्या खोलीत पोहोचला आणि तिला फाशीवरून खाली उतरविले. यानंतर डायल 112 वर फोन करून घटनेची माहिती पोलिसांना दिली. सुरुवातीला पोलिसांनी ही घटना अपघाती घटना म्हणून नोंदवली. परंतु पोस्टमॉर्टम रिपोर्ट आल्यानंतर आणि मृताच्या बहिणीने दिलेल्या तक्रारीच्या आधारे, गाडगे नगर पोलिसांनी हत्येचा गुन्हा दाखल केला आणि लक्ष्मीनगर येथील रहिवासी प्रतीक हिवसे याला अटक केली. परंतु मंगळवार, 10 जून रोजी, मृत विद्यार्थ्याचे कुटुंब आणि नेरपिंगळाई येथील ग्रामस्थांनी पोलिस आयुक्त अरविंद चावरिया यांची भेट घेतली आणि आरोपी प्रतीकचा मित्र प्रथमेश अढावू याला अटक करण्याची मागणी करणारे निवेदन सीपींना दिले. घटनेच्या दिवशी प्रतीक हिवसेसोबत असलेल्या प्रथमेश अढावूला अटक करण्याचे ओशासन पोलिस आयुक्तांनी दिले होते. याअंतर्गत पोलिसांनी प्रथमेश अढावू (20) याला अटक केली आहे. मंगळवारी पोलिस कोठडी संपल्यानंतर न्यायालयात हजर करण्यात आले. न्यायालयाच्या आदेशानुसार पोलिसांनी आरोपी प्रतीकला न्यायालयीन कोठडीत पाठवले आहे. गाडगे नगर पोलिस या प्रकरणाचा अधिक तपास करत आहेत.