साईनगरमधून सचिन भेंडे यांची उमेदवारी कायम

अमरावती /31 डिसेंबर – महानगर पालिका प्रभाग क्रमांक 19 (ड) साईनगरमध्ये युवा स्वाभिमान पक्षाचे सचिन भंडे यांची उमेदवारी वादाच्या भोवर्‍यात आली. भाजप नेते तुषार भारतीय यांनी भंडे यांची उमेदवारी ठेकेदार असण्याच्या आरोपावर रद्द करण्याची मागणी केली होती. ही तक्रार मनपा निवडणूक अधिकार्‍यांकडे पोहोचली आणि बुधवारी रात्री 11.40 पर्यंत तपासणी चालू होती.
तपासणीनंतर निवडणूक अधिकार्‍यांनी सचिन भंडे यांची उमेदवारी कायम ठेवण्याची अधिकृत घोषणा केली. या निर्णयामुळे तुषार भारतीय यांचे आरोप निष्फळ ठरले आहेत. साईनगर प्रभागातील निवडणूक आता अधिक रंगतदार आणि प्रतिस्पर्धात्मक होणार आहे, कारण तुषार भारतीय स्वतः भाजपच्या तिकिटावर निवडणुकीच्या मैदानात उतरले आहेत.

अलका सरदार यांचे नामांकन रद्द करा

– किशोर भुयार यांची मनपाकडे तक्रार
महापालिका प्रभाग क्रमांक 11, रुक्मिणीनगर-फ्रेजरपूरा येथील राष्ट्रवादी काँग्रेसचे किशोर भुयार यांनी भाजपच्या अलका सरदार यांचा अर्ज रद्द करण्याची मागणी केली आहे. भुयार यांनी निवडणूक अधिकार्‍यांना दिलेल्या तक्रारीत म्हटले आहे की, सरदार यांनी प्रतिज्ञापत्रात मागील 2017 चा चुनावाचा अनुभव लपवला आहे. भुयार यांच्या तक्रारीनुसार, मागील अनुभवाचा तपशील न दिल्यामुळे सरदार यांची उमेदवारी संदिग्ध ठरते. भुयार यांनी ही तक्रार राज्य निवडणूक आयुक्त आणि महापालिका आयुक्त/प्रशासक यांनाही पाठवली आहे. सदर प्रकरणांमुळे दोन्ही प्रभागांमध्ये निवडणुकीतील तणाव वाढत असून, 2 जानेवारीपर्यंत उमेदवारांकडे आपले नामांकन मागे घेण्याचा पर्याय उपलब्ध आहे.