वडुरा टी-पॉइंटवर मोपेड-कारची धडक, 1 जखमी

अमरावती /26 नोव्हेंबर – बडनेरा नवीन बायपासजवळील वडुरा गावातील टी-पॉइंटवर मंगळवारी संध्याकाळी आणखी एक भीषण अपघात घडला. या अपघातात 58 वर्षीय मोपेडस्वार गंभीर जखमी झाला असून परिसरातील रहिवाशांमध्ये मोठी चिंता निर्माण झाली आहे.माहिती नुसार, चक-05/ङ-9798 क्रमांकाची स्कोडा कार अकोल्याकडे जात असताना समोरून येणार्‍या चक-27/उऋ-1548 क्रमांकाच्या अ‍ॅक्टिव्हा मोपेडने दिशा बदलण्याचा संकेत न देता अचानक वळण घेतले. मागून येणार्‍या कार चालकाने ताबडतोब ब्रेक लावला, परंतु कार मोपेडला टाळता टाळता धडकली. जखमी मोपेडस्वाराचे नाव देवेंद्र काळपांडे (58, माहुली चोर) आहे. कार चालक जयंत जगताप (मलकापूर कराड, जिल्हा सातारा) आहे.
अपघातानंतर कार चालकाने तातडीने जखमी व्यक्तीच्या कुटुंबाला सूचना दिली आणि रुग्णालयात नेण्यासाठी मदत मागितली, परंतु स्थानिकांकडून प्रतिसाद मिळाला नाही. अखेरीस, जखमी व्यक्तीचे कुटुंब घटनास्थळी पोहोचले आणि त्याला उपचारासाठी अमरावती रुग्णालयात नेण्यात आले. स्थानिकांचे म्हणणे आहे की वडुरा टी-पॉइंटवर अपघात हे नवीन नाहीत. रस्त्याच्या दोन्ही बाजूंना उतार असून वाहने उच्च वेगाने जातात. सर्वात महत्त्वाचे म्हणजे, स्पीड ब्रेकरचा अभाव ही मोठ्या आणि किरकोळ अपघातांची मुख्य कारणे आहे. काही दिवसांपूर्वी याच ठिकाणी झालेल्या अपघातात गवळीपुरा येथील एका तरुणाचा मृत्यू झाला होता. अधिकार्यांकडून या ठिकाणच्या अपघातांची अधिकृत आकडेवारी अद्याप उपलब्ध नाही. सतत होणार्‍या अपघातांना आळा घालण्यासाठी नागरिक त्वरित स्पीड ब्रेकर, इशारा देणारे फलक आणि वाहतूक नियंत्रण यंत्रणा बसवण्याची मागणी करत आहेत. स्थानिक रहिवासी म्हणतात, दर आठवड्याला इथं अपघात होतात, पण प्रशासनाकडून अजून काहीही होत नाही. जर लवकर उपाय केला नाही, तर आणखी जीव गमावले जातील.