लालू प्रसाद यादवांना न्यायालयाचा दणका

नवी दिल्ली/13 ऑक्टोबर – आयआरसीटीसी हॉटेल्स कंत्राट वाटप भ्रष्टाचार प्रकरणी राऊस अव्हेन्यू न्यायालयाने आज (दि. 13) माजी रेल्वेमंत्री लालू प्रसाद यादव, बिहारचे माजी मुख्यमंत्री राबडी देवी, राजद नेते तेजस्वी यादव आणि इतरांविरुद्ध आरोप निश्चित केले आहेत. हा खटला रांची आणि पुरी येथील दोन आयआरसीटीसी हॉटेल्सच्या निविदेतील कथित भ्रष्टाचाराशी संबंधित आहे.

2004 ते 2009 दरम्यान लालू प्रसाद यादव यांच्या रेल्वेमंत्रीपदाच्या कार्यकाळात आयआरसीटीसी हॉटेल्सच्या देखभालीसाठी कंत्राट वाटपात भ्रष्टाचार झाल्याचा आरोप आहे. 24 सप्टेंबर रोजी राजेवी विशेष न्यायाधीश विशाल गागेण यांनी माजी रेल्वेमंत्री लालू प्रसाद यादव, त्यांची पत्नी, बिहारच्या माजी मुख्यमंत्री राबडी देवी, त्यांचा मुलगा, माजी उपमुख्यमंत्री तेजस्वी यादव आणि इतर आरोपींना न्यायालयात हजर राहण्याचे निर्देश दिले. या प्रकरणातील सर्व पक्षांचे युक्तिवाद ऐकल्यानंतर न्यायालयाने 29 मेपर्यंत आपला निर्णय राखून ठेवला आहे.

खटला भ्रष्टाचार प्रकरणी लालू प्रसाद यादव कुटुंबातील सदस्यांवर खटला चालवायचा की नाही, हे न्यायालयाच्या आदेशावरून निश्चित झाले आहे. या प्रकरणात एकूण 14 आरोपी आहेत. आयआरसीटीसीच्या टेंडरमध्ये बदल करून लालू प्रसाद यादव यांनी हॉटेल सुजाताला दिले, ज्याचा फायदा त्यांच्या कुटुंबियांना झाला, असा विरोधी पक्षांनी आरोप केला होता. या प्रकरणी सीबीआय चौकशी झाली असून, बीएनआर हॉटेल एका कंपनीला चालवायला दिले होते आणि ही प्रक्रिया लालू यादव यांना माहित असल्याचे दिसून येत आहे. तसेच, राबडी देवी आणि तेजस्वी यादव यांनी कमी किंमतीत जमीन मिळवली होती, जी कंपनीला हॉटेलचे टेंडर देण्याच्या बदल्यात मिळाली, असे अनेक पुरावे सीबीआयने सादर केले आहेत.